Henry Cavill nuk do të rikthehet më si Superman në pjesën tjetër të sagës së superheronjve.
Aktori e ka luajtur rolin për gati një dekadë, duke u shfaqur për herë të parë në “Man of Steel” në 2013.
Më pak se dy muaj më parë u njoftua se aktori britanik do të vazhdonte të luante rolin e tij, por pronarët e rinj në DC kanë zbuluar se kanë vendosur të shkojnë në një drejtim tjetër.
Cavill konfirmoi se nuk do ta rimerrte rolin në një postim në Instagram duke thënë: “Sapo përfundova takimin me James Gunn dhe Peter Safran dhe një lajm i trishtuar, për të gjithë. Në fund të fundit, nuk do të kthehem si Superman. Pasi më thanë nga studio se do të rikthehesha në tetor, përpara ndryshimit të pronarëve, ky lajm nuk është më i lehtë, por kjo është jeta. Ndryshimi është diçka që ndodh.
39-vjeçari ka qenë i preferuari i fansave dhe shumë e prisnin me padurim rikthimin e tij në pelerinën e kuqe pasi pati një skenë surprizë në pjesën e fundit të Black Adam në tetor.
Cavill, i cili gjithashtu portretizoi personazhin në Batman VS Superman në 2016 dhe Justice League në 2017, vazhdoi postimin e tij duke falenderuar fansat e tij duke shtuar: “Për ata që kanë qenë pranë meje për vite me rradhë…mund të vajtojmë për pak, por atëherë duhet të kujtojmë…Superman është ende përreth.”
