Të gjithë i kërkojnë, të gjithë i duan, por askush nuk arrin dot t’i gjejë. Në edicionin e 70-të të Festivalit të Kanës duket se supermodelet e momentit janë yjet e vërteta të tapetit të kuq. Sigurisht që ka edhe aktore si Elle Fanning dhe Susan Sarandon, që tërhoqën vëmendjen e fotografëve, por kishte edhe bukuroshe të tjera si Bella Hadid, Emily Ratajkowski dhe Hailey Baldwin që u konsideruan më të fotografuarat e mbrëmjes. Por jo vetëm…
A do të jenë ato yjet e kinemasë së ardhshme?
Ka nga ata që mendojnë se pjesmarrja e madhe e supermodeleve të momentit në Festivalin e Kanës është një lëvizje karriere. Sigurisht ato janë ftuar në Festival nga ‘L’Oréal’, sponsori kryesor i këtij manifestimit. Ndërkohë që stilistët dhurojnë me shumë dashuri veshjet dhe stolitë e tyre.
“Kana është një nga vitrinat më të bukura përsa i përket shtëpive të modës. Por në horizont mund të këtë interes drejt kinemasë” , shpjegon stilistja Elizabeth Stewart.
