Ditën e djeshme Emily Ratajkowski është arrestuar nga policia pasi u bë pjesë e protestës kundër vendimit të Donald Trump për kandidimin e Brett Kavanaugh në ‘Gjykatën Suprem’, i cili është akuzuar më herët për ngacmime seksuale ndaj disa femrave. Me anë të një postimi në profilin personal në ‘Instagram’ ajo ka njoftuar publikun për ngjarjen e ndodhur duke shpjeguar se meshkujt që kanë lënduar një femër nuk duhet të jenë asnjëherë në një pozitë politike të fuqishme. “Zyrtarizmi i Kavanaugh si gjykatës në ‘Gjykatën Supreme’ është një mesazh që femrat e këtij shteti nuk kanë rëndësi. I kërkoj qeverisë të tregojë respekt për femrën aq shumë sa tregon për meshkujt”,-ka shkruar ndër të tjera Emily.
Mësohet se tashmë ajo është e lirë, por kaloi disa orë në polici./revistawho.com
