Ditën e sotme një ndër emisionet më argëtuese të fundjavës, “E Diell”, ka ristartuar sërish në ekranin e “Top Channel”. Nën drejtimin e tre moderatorëve Edi Manushi, Fjoralba Ponari dhe Nevina Shtylla si dhe me rubrika të shumta, “E Diell” premton një spektakël të vërtetë.
Përveç atyre që qëndrojnë para kamerave, një punë të rëndësishme kanë edhe ata që qëndrojnë pas tyre. Këtë vit njëra ndër moderatoret më të njohura ka një rol shumë të rëndësishëm në gjithë drejtimin dhe prodhimin e këtij programi. Xhemi Shehu këtë sezon ka rolin e producentes ekzekutive në emisionin “E Diell”.
Në fakt Xhemi e njeh shumë mirë këtë program, sepse më parë ajo ka qenë moderatore e “E Diell” përkrah Adi Krastës, Alban Dudushit, Arbana Osmanit dhe Ledion Liços. Kujtojmë se Xhemi Shehu drejton edhe spektaklin e humorit “Portokalli” së bashku me Salsano Rrapin. /revistawho.com
