Elita 5 është ndër grupet e para të ‘rock’-ut në Shqipëri i krijuar diku rreth vitit 1988. Këtë vit ata festojnë 30-vjetorin dhe për këtë kanë vendosur të mbajnë një koncert të madhështor në Tiranë me hitet e tyre më të njohura. Lajmin e ka bërë të ditur kryetari i bashkisë, Erion Veliaj. Ai ka publikuar në ‘Instagram’ një video përmbledhëse nga koncerte të ndryshme të grupit dhe në sfond disa këngë të tyre. “Tornado në Tiranë! Elita 5 feston 30-vjetorin e krijimit dhe albumin e ri ‘Tornado’…ku tjetër? Tek Amfiteatri i Liqenit në 7 shtator “, – ka shkruar Veliaj. Me siguri kjo datë do të shënohet në kalendar si ndër më të rëndësishmet nga adhuruesit e muzikës ‘rock’. Të gjithë në Amfiteatër për të ndjerë nga afër emocionet e ‘Al Kapone’, ‘E urrej shiun’, ‘Të pres’, ‘Më fal’ e qindra këngëve të tjera. /revistawho.com
https://www.instagram.com/p/Bl8RCvxDArA/?taken-by=erionveliaj
