Kjo është java e dytë që moderatorja Arbana Osmani do të shfaqet në krye të programit televiziv “Dua të të bëjë të lumtur” në “Top Channel”.
Është mësuar të bëjë të lumtur të tjerët nëpërmjet surprizave dhe të ftuarve specialë, por këtë herë ka qenë ajo vetë e cila ka marrë një dhuratë dhe dedikim mjaft special nga stafi i saj.
Nga fotot që Arbana ka shpërndarë në “Instagram” duket se stafi i ka dhuruar një tufë me trëndafila të kuq së bashku me një pusullë në të cilën shkruhej “’Stafi i dua të të bëj të lumtur’ ka kënaqësinë t’ju dhurojë këtë buqetë me lule. Buzëqeshja juaj do të ishte një dhuratë e bukur për ne. Të duam”.
Kujtojmë se puntata e dytë e “Dua të të bëjë të lumtur”, do të transmetohet ditën e shtunë dhe do të rezervojë shumë emocione dhe surpriza për publikun.
