Noizy ka arritur të korr një sukses të jashtëzakonshëm, sepse muzika tij preferohet pothuajse nga të gjitha moshat. Madje mund të themi se tekstet e këngëve të tij mësohen të gjitha përmendësh nga adoleshentët. Megjithatë dhe Noizy ua shpërblen herë pas here të gjithë fansave të tij dashurinë që i falin. Nuk janë të pakta rastet kur reperi ka ndihmuar me çdo gjë adhuruesit e muzikës së tij.
Së fundmi, ai i ka bërë dhuratën më të bukur një fansi të tij, duke i shkuar si surprizë në klasë për ditëlindje. Reperi shihet me një tortë në duar duke hyrë në klasë dhe fansi i tij ka mbetur i shtangur. Jo vetëm djali që feston ditëlindjen, por edhe vetë Noizy duket se është emocionuar shumë. Në tortë dallohej një fotografi e reperit dhe pas surprizës nuk mungoi dhe një përqafim mes Noizyt dhe fansit të tij. /revistawho.com
