Këngëtarja e dashur e skenës shqiptare, Soni Malaj, është surprizuar ditën e djeshme nga i fejuari i saj biznesmen, i cili i ka dhuruar artistes yllin e saj në hapësirë. Ka qenë vetë Soni ajo që e ka publikuar këtë dhuratë të Klevit në rrjetet sociale duke e shoqëruar me mbishkrimin: “Tashmë në hapësirë ndodhet dhe një yll me emrin tim. Nuk mund të dëshiroja një dhuratë më të bukur”, – shkruan këngëtarja. Nga sa kemi mësuar kjo nuk është një dhuratë përvjetori, sepse për ta çdo ditë e kaluar me njëri-tjetrin është një përvjetor. Soni Malaj po jeton një histori të bukur dashurie me Klevin, me të cilin shpalli fejesën disa muaj më parë.
