Afërdita Dreshaj po jeton momentet më të bukura si e martuar me bashkëshortin e saj, Jakub Kindl, i cili nuk lë rast pa i shfaqur dashurinë e tij. Jakub duket se është partneri perfekt, pasi çdo ditë ai mendon mënyra nga më të ndryshmet për ta surprizuar Afërditën. Sot Dreshaj ka zbuluar se bashkëshorti i saj ka rezervuar një udhëtim me avion privat për në Chicago. Bukuroshja shqiptare ka publikuar në ‘Instagram’ video të avionit dhe ka treguar se brenda tij Jakub ka vendosur edhe disa lule për ta bërë sa më romantike surprizën.
Gjithashtu Afërdita ka postuar edhe disa video, në të cilat shihet se ajo dhe Jakub e kanë shijuar shumë udhëtimin së bashku. “Surprizë nga dashuria ime”, ka shkruar Afërdita në një tjetër foto duke u puthur me bashkëshortin.
Më pas Jakub duhet të ketë rezervuar surpriza të tjera për partneren e tij, duke qenë se ditën e nesërme ata festojnë edhe 1-vjetorin e martesës. Kujtojmë se Afërdita dhe Jakub kurorëzuan dashurinë e tyre në Miami dhe ftuan disa nga miqtë më të mirë shqiptarë dhe të huaj. /revistawho.com
