Këtë vit Ermal Mamaqi ka menduar të organizojë një program të veçantë në ‘Xing me Ermalin’ për festat e fundvitit. Ai ka publikuar në ‘Instagram’ video dhe foto gjatë xhirimeve, ku ka treguar se ka ftuar aktorë të njohur humori dhe disa këngëtarë. Por e ftuara speciale e gjithë mbrëmjes do të jetë pikërisht bashkëshortja e tij, Amarda Toska. Për herë të parë ajo do të ulet përballë Ermalit për të zhvilluar një intervistë. Ashtu siç bën me çdo personazh, Ermali ka publikuar në profilin e tij në ‘Instagram’ një fotografi të Amit dhe krahas saj ka shkruar: “Këtë vit e mbyll Xingun me të ftuarën më speciale që kemi pasur ndonjëherë…Bëj një pyetje për shpirtin tim dhe pyetja do të lexohet bashkë me emrin tënd”. Ai ka bërë dhe një paralajmërim, duhet të tregoni kujdes me pyetjet që do të bëni, sepse të gjitha do të kontrollohen nga vetë Ermali./revistawho.com
