Surprizon Sharon Stone, preket nga gjesti i Shqipërisë për Italinë dhe ka këto fjalë

Gjesti i kryeministrit Edi Rama për të dërguar në Itali 30 mjekë e infermierë, në një kohë kur të gjithë po luftojmë me Koronavirusin i ka mahnitur të gjithë. Komentet dhe fjalët e ngrohta kanë nga më të ndryshmet. Por surprizë ishte reagimi i aktores së famshme, Sharon Stone. Ajo ka falenderuar Shqipërinë, teksa bashkangjitur mesazhit të saj ka publikuar edhe një foto shumë domethënëse, të dy realiteteve që kanë lënë gjurmë në historinë e dy popujve, asaj shqiptare dhe italiane. “30 vjet më parë Italia vendosi që t’i ndihmojë ato. Sot Shqipëria vendosi të dërgojë 30 mjekë dhe infermierë në ndihmë të Italisë. Faleminderit Shqipëri me gjithë zemër”, shkruan Sharon Stone. Me siguri këto fjalë kanë bërë krenarë çdo shqiptar në botë.