Surprizon studimi, gjenet tuaja përcaktojnë lumturinë martesore

Një studim ka zbuluar se lumturia apo trishtimi në martesë mund të përcaktohet nga gjenet tuaja. Njerëzit bien në dashuri për arsye të ndryshme, por jetëgjatësia dhe lumturia në çift varet nga gjenet individuale, që ndikojnë tek oksitocina, ose ndryshe hormoni i dashurisë. “Ky studim tregon se si marrëdhënia jonë është e ndikuar jo vetëm nga eksperiencat tona të përbashkëta me partnerët tanë”, – thotë Joan Monin, autori kryesues i studimit. Sipas tij njerëzit janë shumë të ndikuar nga gjenet e tyre apo të partnerit. Në studim u morën 178 çifte të martuara nga mosha 37-90 vjeç. Pas studimit u zbulua se kur të paktën njëri nga partnerët kishte një variant gjenetik të njohur si gjenotipi GG brenda receptorit të gjenit të oksitocinës, çifti ishte më i lumtur dhe kishin më shumë besim tek njëri-tjetri. Këta çifte ishin më të kënaqur, krahasuar me ata që kishin një gjenotip tjetër. Prandaj ndonjëherë nuk duhet t’ja vini gjithmonë fajin vetes për lumturinë me njëri-tjetrin, sepse jo çdo gjë varet prej nesh. /revistawho.com