Nëse ju pyesin cilat janë gjërat që e bëjnë një njeri tërheqës me siguri do të thoshit bukuria e jashtme, paraja, humori. Në fakt gaboheni, sepse një studim i publikuar së fundmi ka zbuluar se është një aftësi tjetër, shumë unike, që i bën njerëzit tërheqës. Më shumë se 6 mijë persona beqarë nga 11 shtete të ndryshme u pyetën se cila është karakteristika që e bën më shumë tërheqës një njeri. Studimi u realizua nga “ElliteSingles” (një ‘website’ për njohjen e njerëzve) dhe “Babbel” (një aplikacion për mësimin e gjuhëve). Ky studim zbuloi se zgjuarsia sundon mbi bukurinë kur vjen puna tek gjërat që e bëjnë tërheqës dikë. Sipas rezultateve nëse flisni më shumë se një gjuhë do të jeni shumë tërheqës për të tjerët. Në fakt, 75% e pjesëmarrësve rrëfyen se dikush që flet gjuhë të ndryshme është më tërheqës për ta. 93% e atyre që morën pjesë në studim thanë se do të preferonin më një njeri që flet shumë gjuhë, se sa një tjetër me shumë muskuj. Sipas tyre kjo vjen prej shkakut se kanë interes për kulturat e ndryshme, duan të zbulojnë misteret e gjuhëve të ndryshme dhe se kjo është shenjë inteligjence. Në fakt ka disa gjuhë që janë më tërheqëse, ndër to e para është frëngjishtja dhe më pas vijnë italishtja dhe spanjishtja. /revistawho.com
Burimi: Times of India
