“Tё paktën njё selfie”

Nga Olti Curri

Shtypi rozё u bё kohë qё “tradhton” mediat e shkruara, pёr t’u hedhur nё krahёt e rrjeteve sociale, ku lajmi botohet, por edhe komentohet, pёr kёnaqёsinё e “opinionistёve” tё pamёshirshёm qё kanë nёn mollëza armёn e fortё tё tastierës. Por si çdo gjë qё rrallёherё shkon normalisht, njё nga lajmet mё tё forta rozё tё viteve tё fundit nё Shqipëri (pas divorcit tё Invёs dhe Pirros e gjyqeve të Ambetёs dhe Onit) e lexuam nё fillim nё gazeta ekstremisht politike. Në fakt, njëri nga dy personat në fjalë ka lidhje me politikën nëpërmjet të atit, dhe kjo mjaftoi që, mediat që kanë në plan të parë luftën politike, t’u hyjnë në hise mediave ‘soft’. Zgjedhjet ishin afër dhe, para se njerëzit e internetit tё fillonin tё ёndёrronin mbi njё histori dashurie tё dy personazheve tё rinj dhe tё njohur, nёn trysninё e mesazheve politike filluan që atyre t’u bёjnё biografi. Njëri ishte djali i kryeministrit Berisha, tjetra njё nga vajzat më tё bukura tё spektaklit, me shumë ambicie pёr tё qenё edhe njё nga mё tё kërkuarat nё kёtё biznes. Pёr jetёn e tyre private, publiku i mediave on-line dinte shumё pak; Shkёlzeni, sipas gazetave që përmenda dhjetë radhë më lart, vinte nga fundi i njё martese, ndërsa Armina ishte nga tё paktat vajza ekrani qё nuk ishte përfolur pёr lidhjet sentimentale nëpër gazetat e sё shtunës. Komentet që lexoheshin nё faqe tё ndryshme “FB”-je nuk merreshin me çiftin, por bënin politikë, njëlloj si nё dasma, ku, pasi pёrshёndet i zoti i shtёpisё, biseda nёpёr tavolina vazhdon aty ku u la, pёr parlamentin. Koha kalonte dhe mediat rozё nuk u ndalën kurrë seriozisht (për hir të shitjeve të mëdha, roza së fundmi po merret shumë seriozisht) te ky lajm shumë ndjellës. Në këtë “heshtje”, nuk dihet nëse ishin shumë të aftë Armina dhe Shkëlzeni për të ruajtur jetën e tyre private, apo ishin të paaftë gazetarët e paparacët për të sjellë diçka të faktuar nga kjo lidhje? Falё pranisë sё shpeshtë në ekran të Arminёs, te “Kёnga Magjike” dhe “Dancing With The Stars”, populli i internetit e mori vetë nё dorё situatёn dhe filloi qё historinё ta pёrflasё dhe komentojё, por çuditërisht, jo me tё njëjtin zjarr si mediat politike, që për disa javë rresht sajonin lajme pa lajme mbi këtë histori. Me siguri, dëshira e çiftit pёr tё mos deklaruar asgjë rreth kësaj historie dhe informacioni i paktë për mediat, janë shkaku qё nga kёrkimet nё “Google”, pёr emrat ‘Armina’ dhe ‘Shkёlzeni’ dalin vetëm 25.600 rezultate; shumё pak pёr njё thashethem tё tillё, ku përfshihen, djali i njё politikani mjaft popullor dhe njё vajzë e bukur dhe e famshme. Duket sikur mediat rozё janё skaneri ku askush nuk fsheh dot asgjë, edhe pse nuk ka dёshirё tё rrёfehet, por nё kёtё rast, qëndrimi nё pozicion mbrojtës i Arminёs, – pasi Shkёlzeni deri mё tash nuk ka pasur asnjё pyetje nё publik mbi kёtё gjë, – ka bёrё qё edhe gazetarët mё tё “hidhur” tё mos marrin dot njё përgjigje finale, aq mё pak ndonjë intervistë ekskluzive. Po nё rrjetet sociale, ndёrkohё qё Armina flet për dashurinë si nocion, pa nxjerrë emra, aq më pak mbiemra, edhe pse pyetjet nё panele kanё qenё tё qarta dhe kërkonin njё përgjigje ‘po’ ose ‘jo’, komentet kanё mbёrritur, pёr flokёt, mёnyrёn e prezantimit, veshjet, çantat, aksesorёt, udhëtimet, tё cilat ajo i boton sistematikisht nё “Instagram”, por asgjё tё veçantё mbi kёtё lidhje ende tё pakonfirmuar. Kjo ёshtё hera e parё qё publiku i rrjeteve sociale, blogjeve, apo faqeve të modës, ku mbizotёrojnё femrat dhe Armina ka dhjetëra mijëra ndjekës nё “FB” dhe “Instagram”, tё “kursejnё” nё komente njё vajzё spektakli, duke u marrё vetёm me pamjen apo performancat profesionale, pa thumbuar, pёrmendur, sharё apo lavdёruar edhe partnerin e saj. Sidoqoftë, përralla ёshtё gati, kemi “princeshën” dhe “princin”, por ende nuk kemi njё kopertinë me njё deklaratë tё njërit ose tjetrit, qё tё shuajë kureshtjen e atyre të cilët, mё shumё se politika, interesohen pёr histori dashurie nëpër gazeta fundjave apo me kopertina me shkëlqim. Provokimi ёshtё shumё i madh: njё çift kaq popullor qё nuk na jep shkas tё dimё diçka mё shumё mbi njohjen, dashurinë, lidhjen e tyre. Jeta private është e shenjtё pёr cilindo qё vendos ta ruajё atё, por edhe kureshtja është njerëzore. Ashtu siç e do edhe përvoja botërore, lajmet nga çifte të blinduara vijnë nga rrugë të tërthorta, ku paparacët bëhen më të vlefshëm se dhjetëra gazetarë e kryeredaktorë me lidhje. Çdo lajm i ri do mbledhë vëmendje, ndaj kjo histori do të rikthehet kryefjala rozë e mediave apo social-mediave më të lexuara buzë detit, mjaft të ketë diçka të re. Por duhet pranuar se fotot e paparacëve, nuk janë teknikisht shumë cilësore dhe, derisa çiftit t’i mbushet mendja për të folur apo pozuar në kopertinë, banorët e “Facebook”-ut apo “Instagram”-it, besoj se do tё ishin tё kёnaqur edhe me njё selfie nё çift.