Kush na e mëson dashurinë më ëmbël se gjyshet? Ato duar që na ledhatojnë, që na ushqejnë, që na përqafojnë e na e mbushin jetën me dashuri pa kushte. Ato fjalë të qeta që shërojnë shpirtin, e ta mbushin zemrën me dritë. Aty, në prehrin e tyre ndihesh sërish fëmijë.
Një moment të mbushur me shumë dashuri, supermodelja e njohur shqiptare, Angela Martini e ka ndarë me ndjekësit e saj: një video me gjyshen 95-vjeçare, nana Dogën.
“Takimi me gjyshen time 95-vjeçare. Nana Doga, ajo që më mësoi çfarë është dashuria dhe e mira. Forca dhe humori i saj ende në këtë moshë, ma mbushin zemrën plot,” shkruan Angela.
Më tej një foto e veçantë që bashkon tre breza, gjyshja, Angela dhe djali i saj Kyree. Një trashëgimi dashurie që kalon nga një brez në tjetrin.
Kujtojmë se disa ditë më parë, Angela vizitoi Shqipërinë së bashku me familjen, një rikthim në vendin e zemrës.
