Vetëm një muaj më parë, dukej i tharë dhe shumë i emociouar ndërsa tregonte keqardhjen e tij në një konferencë për shtyp në Londër më shumë për gabimet e kryera pas vendimit për të pushtuar Irakun.
Por javën e shkuar Tony Blair na shfaqi një portret krejt tjetër. I veshur me një këmishë të hapur në qafë, syze dielli firmato dhe varës me kryq të artë, ai pozoi në një foto në një kënd rrëzëllitës në jug të Evropës, duke na treguar se trauma e Chilcot ishte një udhëtim i gjatë që kishte mbetur pas tij.
Udhëtimi i ish-kryeministrit në Shqipëri, u nxorr në dritë pasi kryeministri shqiptar socialist i vendit Edi Rama postoi një foto në çift të të dyve në facebook. Ku lë të kuptohet se janë në Dhërmi, një fshat në jug të Shqipërisë, ku zoti Rama ishte me pushime.
Por Blair 63 vjeç, u pa të vinte në zonë javën e shkuar me një helikopter ushtarak , i ulur sipas burimeve lokale në stadiumin e Himarës, rreth 130 km larg Tiranës.
Blair ka lidhje të vjetra me vendin, pasi më parë ka qenë këshilluesi i Ramës. Bashkëshortja e tij Cherie, ka punuar edhe si avokate për qeverinë shqiptare.
Një zëdhënës i z. Ramatha se Blair ishte aty për “ një vizitë të shkurtër dhe private”. Më pas ka shtuar : “Blair nuk është paguar kurrë nga qeveria shqiptare”
