Skocia është zyrtarisht vendi i parë në botë që do të sigurojë falas të gjitha produktet menstruale.
Parlamenti skocez votoi unanimisht në favor të projekt-ligjit të në fjalë, disa muaj pasi kishin sinjalizuar mbështetjen për këtë kauzë.
“Fushata është mbështetur nga një koalicion i gjerë, duke përfshirë sindikatat e tregtisë, organizatat e grave dhe organizatat bamirëse,” tha Monica Lennon, politikania që prezantoi ligjin vitin e kaluar.
Të gjitha produktet menstruale do të jenë në dispozicion për t’u përdorur në ndërtesat publike, duke përfshirë shkollat dhe universitetet në të gjithë Skocinë. Sipas rregullave të reja, autoritetet lokale dhe ato arsimore do të garantojnë që produktet të jenë në dispozicion falas.
Shpenzimet janë vlerësuar në shifrën e 8.7 milion paundëve në vit deri në 2022, gjithnjë edhe në varësi të numrit të garve që do të përfitojnë nga produktet falas./revistawho.com
