Tani janë të dyja pjesë e ‘Threedots’, por Kejsi paska kënduar me Krusitën që tek ‘Gjeniu’

Me pjesëmarrjen e saj në “Kënga Magjike”, Krusita Stafa u kthye në fenomenin e muzikës në vitin 2018-të. Megjithatë ajo nuk ishte një emër i panjohur, sepse Krusita është fituese e ‘Gjeniu i vogël 4’. Sot ajo është bërë pjesë e labelit të ‘Threedots’ që drejtohet nga Flori Mumajesi. Pjesë e grupit është edhe këngëtarja Kejsi Tola dhe dy vajzat kanë shfaqur një marrëdhënie shumë të mirë me njëra-tjetrën kohët e fundit në ekran. Në fakt ato të dyja janë njohur shumë vite më parë që në kohën kur Krusita ishte fituese e ‘Gjeniut të vogël’. Dy këngëtaret janë shfaqur në një duet, me këngën e Kejsit “Perëndeshë e fantazisë”, në hapjen e edicionit të ‘Gjeniut të vogël 5’. Kanë kaluar gati 5 vite që nga ajo kohë dhe rastësia deshi që dy vajzat të bëheshin sërish bashkë dhe këtë herë si dy kolege të të njëjtit label. /revistawho.com