Gjatë gjithë muajit qershor prezantuesja Fjoralba Ponari do të na shqërojë çdo ditë me emisionin “Top Arena” dedikuar kampionatit botëror, krah Edi Manushit. Fjoralba është dentistja në profesion, e cila dy vite më parë konkurroi si këngëtare dhe tani shfaqet në rolin e prezantueses. Në thelb mund thuhet se 23-vjeçarja ka ndjekur rrugën e duhur për t’u bërë pjesë e telvizionit.
Por ju kujtohet sesi në atë kohë 21-vjeçarja e magjepsi jurinë e “The Voice”?
Me kaçurrelat e saj karakteristike dhe zërin e vëçantë, Ponari u prezantua me një material të këngëtares Katy Perry duke bërë që të katërt anëtarët e jurisë të kthenin karriget. Ishte pikërisht këngëtarja Jonida Maliqi fillimisht, e më pas anëtarët e tjerë të jurisë të cilët krahas vokalit, e komplimentuan Fjoralbën për pamjen e saj.
Ndërkohë tani, dy vite më vonë bukuroshja ka lënë disi mënjanë muzikën dhe kaçurrelat e saj, për të ardhur me një imazh të ri. Ku i dihet pas shumë vitesh mund të kemi një prezantuese dhe këngëtare që pasdite shkon tek pacientët në klinikën e saj dentare./revistawho.com
