Tani videotelefonata dhe në ‘WhatsApp’

Në WhatsApp tani bëhen edhe videotelefonata. Ditët e ardhshme më shumë se një miliardë përdoruesit e saj në të gjithë botën mund të shkarkojnë përditësimin e aplikacionit të mesazheve më të përdorur në të gjithë botën për të bërë falas videotelefonata. Ky përditësim do të jetë i disponueshëm për të gjithë përdoruesit e Android, iPhone dhe Windows Phone. Por si funksionon? Mjafton të hapësh një dritare bisede dhe të klikosh në ikonën “telefono”, dhe zgjidh mes dy mënyrave, video ose voice call, dhe përshëndesni me dorë, sepse jeni lidhur tashmë.