Këtë verë shtohet një stacion i ri për vizitorët dhe specialistët në kërkim të “prerjeve” të reja urbane. Kompozime peizazhesh dhe koreografi lulesh e bimësh, sythe të një zhvillimi të ri të sektorit, që përpiqet të grupojë që nga kultivuesit lokalë, furnizuesit ndërkombëtarë, artizanët dhe të pasionuarit, e deri tek studiot e dizajnit dhe arredimit të brendshëm dhe urban.
Një sektor evergreen, edhe pse vitet e fundit rritja e importeve ndaj eksporteve, i ka kthyer kultivuesit ne tregtarë. Furnizuesit ndërkombëtarë përfaqësohen nga Italia dhe Holanda, teksa eksportet e kultivimeve shqiptare përhapen në vendet e rajonit kryesisht. Kjo do të jetë edhe shënjestra e Festivalit te Luleve dhe Peizazhit Urban, rivlerësimi i produktit “Prodhuar në Shqipëri”, nxitja e lehtësimit te taksave dhe masave inkurajuese për operatorët e sektorit, duke ndërtuar ura lidhëse mes kultivuesve dhe rrjeteve te shpërndarjes, dyqaneve te specializuara, ndërtuesve rezidencialë, studiove të arkitekturës rezidenciale dhe urbane, administratave lokale dhe blerësve individuale.
Teknologjitë e orës së fundit për serat dhe fidanishtet përballë mënyrës artizanale të kultivimit, zbulime te hibrideve te reja përballë bimëve autentike shqiptare e mesdhetare, seminare të institucioneve të specializuara dhe kurse formimi për të rinjtë e orientuar drejt vetëpunësimit përballë artistëve të buqetave dhe specialistëve të horizonteve të gjelbra dhe kopshteve urbane.
