Jona Spahiu është një nga moderatoret më të dashura për publikun shqiptar. Me ëmbëlsinë dhe shkathtësinë e saj ajo ka ditur të bëjë për vete gjithë audiencën.
Pak muaj më parë ajo u bë nënë për herë të parë me një djalë, të cilin e quajtën Raiden. Pas kësaj faze të rëndësishme në jetën e saj, ajo vendosi të shkëputet për pak kohë nga televizioni, duke ju përkushtuar e gjitha djalit të saj.
Së fundmi duket se Jona ka zgjedhur të rikthehet në punë, por ndryshe nga çfarë ishin mësuar të gjithë ta shihnin. Ajo ka ndarë me ndjekësit në ‘Instagram’ një nga pasionet e saj, planifikimin e eventeve.
“Njihuni me planifikuesen e eventeve më të re në vend. Prej pak kohësh po sprovoj veten në një fushë të re, atë të organizimit të eventeve. Si natyrë kërkuese gjithnjë mendoj se nuk është mjaftueshëm, por pavarësisht druajtjes erdhi koha ta ndaj me ju këtë pasion timin.
Në këtë rrugëtim të ri, deri më tani, ata që më kanë besuar ditët e tyre speciale kanë qenë miqtë e mi, por jam shumë entuziaste të bëj miq të rinj të cilët do të besojnë te përkushtimi, puna dhe idetë e mia”, ka shkruar Jona Spahiu mbi foton ku tregon një nga eventet e realizuara nga vetë ajo.
Mesa duket ajo ja ka dalë shumë mirë të jetë një planifikuese eventesh e zonja, sepse foto flet vetë. Neve na mbetet t’i urojmë shumë fat dhe suksese në këtë sipërmarrje të re./revistawho.com
