Olsi Bylyku ka folur së fundmi për një tatuazh që kishte realizuar gjatë lidhjes me ish-partneren e tij, Egli Takon, duke pranuar se sot ndihet i penduar për të. I ftuar në emisionin “Mirëmbrëma Yje”, të moderuar nga Arbana Osmani, ai tregoi se ka vendosur ta ndryshojë tatuazhin, i cili dikur kishte një domethënie sentimentale.
“Jam penduar për një tatuazh që kam pasur me ish-partneren, e kam ndryshuar. Ka qenë një gjysmë hëne dhe gjysmë dielli. Tani kam bërë një maskë të aktrimit,” u shpreh Olsi gjatë intervistës, ku ishte i pranishëm së bashku me aktorin Nik Xhelilaj.
Ky tatuazh kishte qenë pjesë e një simbolike të përbashkët në çift, për të cilën kishte folur më herët edhe vetë Egli në një intervistë të vitit 2023. Ajo kishte treguar se, ndonëse fillimisht ishte një “couple tattoo”, tashmë e sheh si diçka personale me kuptim për veten.
“Kam një tatuazh këtu poshtë, te këmba, që janë dallgët e detit dhe perëndimi. Unë e dua shumë perëndimin dhe, edhe pse ka qenë një ‘couple tattoo’, tani është bërë ‘single tattoo’ dhe prapë ka shumë kuptim për mua, sepse perëndimi është pamja ime e preferuar në botë. Unë kam diellin, Olsi ka hënën,” ishte shprehur ajo.
