Taulant dhe Granit Xhaka janë dy futbollistë shqiptarë, që kanë lindur në Zvicër dhe të dy janë njohur ndërkombëtarisht për shkak të talentit të tyre. Edhe pse kanë qenë shpesh herë kundërshtarë në fushë, ato kanë një marrëdhënie shumë të mirë me njëri-tjetrin. Ditën e sotme, Taulanti feston ditëlindjen e tij të 28-të dhe Graniti ka menduar ta urojë në mënyrën më klasike dhe të bukur. Ai publikoi një foto në ‘Instagram’, ku vëllezërit duken pranë njëri-tjetrit në aeroplan duke fjetur gjumë. “Për ty sot është një ditë shumë e veçantë, prandaj së bashku me gëzimin dhe gjithë rëndësinë e kësaj dite të veçantë për ty dhe gjithashtu për mua dhe të gjithë ata që të duan dhe ti i do! Të dëshiroj gjithë lumturinë e kësaj bote. Të uroj suksese të mëdha në të ardhmen, vullnet në punë/mësime. Të uroj fat në të gjitha sferat e jetës dhe më së shumti të uroj harmoni dhe lumturi me të gjithë ata persona që janë pjesë e jetës tënde. Urimen ditëlindjen vëllau im”, ka shkruar Graniti. Ky urim ka qenë shumë emocionues, kështu që nuk kanë munguar as komentet nga fansat apo miqtë e vëllezërve./revistawho.com
https://www.instagram.com/p/Bvi20ENgRYY/
