Taylor Swift festoi mbrëmjen e djeshme 30-vjetorin e lindjes në skenë e më pas në një festë private me miqtë dhe të dashurin e saj, Joe Alwyn. Në grupin e të ftuarve bënin pjesë Blake Lively dhe bashkëshorti i saj Ryan Reynolds, modelet Gigi Hadid dhe Martha Hunt, grupi ‘5 seconds of summer’, Halsey, Camila Cabello etj.
Taylor ishte veshur me një fustan të zi të shkurtër dhe arriti në festë me miken e saj më të ngushtë, Abigail Anderson. “Të gjithë të ftuarit vendosën në kokë një kapele babagjyshi që lexonte ‘Thir-Tay’ (30). Kishte muzikë dhe të gjithë kërcyen e kënduan. Kishte shumë pije dhe atmosferë të mirë përreth. Të gjithë ishin të lumtur për ditëlindjen e Taylor”, ka thënë një burim për ‘E! News’.
Miqtë e saj kishin përgatitur edhe një tortë me trëndafila dhe mace, për rolin e saj në’ musical-in’ ‘Cats’, që do jepet së shpejti.
Taylor tregoi përmes një postimi në ‘Instagram’ se e shijoi shumë 30-vjetorin dhe u shpreh se ndihet me fat për njerëzit që e duan dhe që ajo i ka afër zemrës. “Seriozisht ndihet me shumë fat për të gjithë ju dhe gjithë jetën do e shpenzoj duke gjetur mënyra për t’ju falenderuar”, ka shkruar Taylor në një postim në ‘Instagram’. /revistawho.com
