Po, është zyrtare: Taylor Swift dhe Travis Kelce janë fejuar! Çifti që riktheu besimin te romanca në epokën e TikTok-ut ndau lajmin me një postim të përbashkët në Instagram: mes luleve, buqetave dhe një unaze klasike që shkëlqen po aq sa karriera e tyre e përbashkët.
Në përshkrim, Taylor shkruan: “Mësuesja e anglishtes dhe mësuesi i fiskulturës do martohen.” Dhe, nëse kjo nuk është mënyra më tipike Taylor për të shpallur një fejesë, nuk dimë çfarë tjetër mund të jetë.
Të dy 35-vjeçarë, historia e tyre nisi verën e 2023-s, kur Travis tentoi, pa sukses, t’i jepte Taylor një byzylyk me numrin e tij gjatë një koncerti të Eras Tour në Kansas City. Një dështim që, mesa duket, shënoi fillimin e gjithçkaje.
Pas disa javësh “heshtjeje taktike”, Taylor u shfaq në një ndeshje të Chiefs, në suitën e nënës së Travis-it, duke brohoritur nga stadiumi. Këtu filloi romanca – një telenovelë romantike që ka udhëtuar nga Montana në Londër, nga stadiumi në skenë, dhe tani drejt altarit.
Ata mbajtën lidhjen “nën radar” për pak kohë, por nuk kaloi shumë derisa u bënë tema kryesore e çdo podcast-i, tabloidi dhe grupi fansash online.
Gjatë vitit të fundit, udhëtimet nëpër botë për turneun e Taylor-it i sollën më afër dhe i bënë të hapur për dashurinë e tyre.
Tani, me një unazë vezulluese dhe një propozim në një kopsht me lule që duket si i dalë nga një videoklip i Taylor Swift, ata janë zyrtarisht të fejuar.
Mësimi i ditës? Nëse byzylyku i parë nuk të del, provo sërish. Ndoshta një ditë do të ndodhesh në një kopsht me lule, pranë Taylor Swift-it, me një unazë në dorë. 
