Tayna është një nga reperet më të suksesshme të ‘showbiz-it’ shqiptar. Që prej lançimit të këngës së saj së parë me titull ‘Columbina’ e cila ishte një bashkëpunim me reperin, Don Phenom, 22-vjeçarja arriti të fitonte zemrat e të gjithë ndjekësve.
Që prej atij momenti artistja ka qenë tepër aktive në rrjetet sociale, ndërsa ditën e sotme me anë të një postimi në ‘Instastory’, ka zgjedhur të falenderojë të gjithë fansat e saj për mbështetjen e dhënë pavarësisht lodhjes së madhe që ajo ka ndjerë herë pas here.
“Punoj shumë çdo ditë dhe shumicën e kohës ndihem e lodhur, por dashuria juaj më bën të vazhdoj. Faleminderit shumë që ma mbushni zemrën me dashuri dhe më jepni motivim dhe forcë. Ju dua. Gjithmonë do sigurohem të sjell këngë sa më të mira në mënyrë që ju të ndiheni sa më mirë”, ka shkruar Tayna në llogarinë e saj në ‘Instagram’.
Mesa duket kjo periudhë e vitit e ka gjetur reperen më të ngarkuar për shkak të numrit të madh të koncerteve të mbajtura brenda dhe jashtë vendit në këtë sezon veror, megjithatë ajo ka premtuar se do të vazhdojë të sjellë të tjera hite për publikun i cili e ka mbështetur deri më tani.
Kujtojmë se vetëm 1 muaj më parë Tayna publikoi këngën e saj më të fundit me titull ‘Caliente’ e cila deri më tani numëron 14 milionë klikime në kanalin e ‘Youtube’./revistawho.com
