Së fundmi, Tayna ka dhënë një intervistë për “Prive”, ndryshe nga formatet tradicionale, pasi intervista u zhvillua në shtëpinë e saj. Gjatë bisedës, këngëtarja ndau detaje të reja nga karriera dhe momente të panjohura nga jeta e saj personale.
Një nga momentet më të spikatura të intervistës ishte kur ajo u pyet nëse kishte qenë ndonjëherë e arrestuar. Përgjigjja e saj, e papritur, zbuloi një ngjarje gjatë periudhës së pandemisë në Zvicër.
“Në Zvicër. Ishte koha e pandemisë. Nuk lejohej që të lëvizje. Unë kam pasur një makinë, po nuk ishte e imja. Nuk e dija se kush e kishte makinën. Më kontrolloi një vajzë e doganës, më pyeti nga ke ardhur, ku po shkon. Më tha të prisja sa të vinte policia. Kam pritur 5 orë në burg, derisa erdhi policia e zonës që të më bënte pyetje. U frikësova! Ndoshta s’më lejojnë të hyj më në Zvicër,” tregoi Tayna.
Përtej karrierës së saj të suksesshme, Tayna vazhdon të tregojë anë të ndryshme të jetës, duke surprizuar ndjekësit me histori që nuk do t’i prisnin.
