Tayna është një nga reperet më të reja në estradën shqiptare. Ajo u prezantua për publikun me këngën ‘Columbiana’, e cila ishte një bashkëpunim me Don Phenom dhe rezultoi të ishte shumë i suksesshëm.
Që prej lançimit të këngës së saj të parë, 22-vjeçarja ka korrur një sukses të madh dhe ka pasur koncerte të shumta në trojet shqiptare dhe jashtë tyre.
Së fundmi në një prej koncerteve të mbajtura Tayna është emocionuar shumë nga numri i madh i njerëzve që kishin ardhur për të dëgjuar hitet e saj.
Ajo ka publikuar gjithashtu një foto në ‘Instastory’, ku ka falënderuar gjithë pjesëmarrësit dhe ka shprehur keqardhjen e saj për disa incidente që kishin ndodhur gjatë mbrëmjes, ku për shkak të numrit të madh të njerëzve, disa persona kishin humbur ndjenjat.
“I falënderoj shumë të gjithë ata që kanë marrë pjesë në koncertin e djeshëm. Ju dua shume. Më vjen shumë keq që për shkak të sallës së stërmbushur disa persona patën probleme me shëndetin dhe nuk munda t’i ndihmoja. Perfomancën e ndaluam dhe vazhduam më vonë përsëri. Falenderoj stafin për përkujdesjen e fansave të mi. Shpresoj të jeni mire”, shkroi Tayna në postin e saj më të fundit.
Ndonëse reperja është një nga artistet më të reja, ka treguar se dhe në një kohë të shkurtër mund të korrësh një sukses të madh./revistawho.com
