Para disa vitesh telenovelat meksikane kanë pasur kulmin e suksesit në Shqipëri. Aktorët e tyre u kthyen në të preferuarit e çdokujt dhe kudo dëgjoje të flitej për ta. Teksa i shihnim në ekran bënim lidhjen mes tyre dhe ndoshta disa herë ju ka shkuar në mendje të kombinonit aktorët me njëri-tjetrin dhe ndoshta një nga çiftet e mëposhtme mund ta keni ‘krijuar’ edhe ju.
Për shumë njerëz ndoshta është e vështirë të kenë partnerin në të njëjtin profesion, por këta çifte aktorësh kanë treguar se dashuria është mbi gjithçka.
William Levy dhe bashkëshortja e tij Elizabeth Gutierrez janë ndër çiftet më të pëlqyer të momentit. Ata janë bashkë prej shumë vitesh dhe kanë dy fëmijë.
Aktorët Sebastian Rulli dhe Angelique Boyer janë njohur në shesh xhirime. Së bashku kanë luajtur në telenovelën “Tereza” aty ku nisën edhe shkëndijat e para të dashurisë.
Patricio Borghetti dhe Gretell Valdez, janë bashkë që prej vitit 2004 dhe kanë fëmijë së bashku.
Gabriel Soto dhe Geraldine Bazan kanë qëndruar bashkë për rreth 10 vite dhe në vitin 2017 i dhanë fund marrëdhënies së tyre./revistawho.com
