Anita Mucaj ka zgjedhur që ta urojë ditën e sotme, bashkëshortin e saj, duke i dedikuar atij fjalët më të ndjera dhe emocionuese. Me anë të një fotoje të publikuar në llogarinë e saj në ‘Instagram’, ku shihet krah Ramush Haradinaj, ajo ka zbuluar se ditën e sotme kryeministri i Kosovës feston 51-vjetorin e tij.
“Ti sot po bën 51 vite dhe me mua në martesë po bëjmë vetëm 16, mundem të them shumë, por shkon gjatë ky muhabet, prandaj nuk po e zgjas dhe po e përmbledh që pavarësisht se po më mungon shumë edhe shpesh mërzitem që nuk po të shoh, vazhdon të jesh burri më ideal që ekziston. Të dua Ramush Haradinaj. Gëzuar për jetë. Vazhdoj të mendoj që jam dhurata më e mirë që ke marrë ndonjëherë për ditëlindje”,- ka shkuar bashkëshortja e Haradinaj në postimin e saj, ku nuk kanë munguar të tjera urime nga miq dhe të afërm të familjes së tyre.
Kujtojmë se Anita dhe Ramush janë një nga çiftet më të dashur të mbarë publikut. Falë sinqeritetit, daljeve të tyre në ekran pa komplekse dhe humorit ata kanë arritur t’i bëjnë për vete që të gjithë./revistawho.com
