Të fshehtat që dolën nga premiera e “The Kardashians”

Kanye West është më i fiksuar sesa mendonim me Kim Kardashian. Edhe pse ata janë zyrtarisht të ndarë, një detaj i habitshëm u zbulua nga premiera e “The Kardashians” që do transmetohet në “HULU”, këtë javë.
Kim është në dhomën e saj të veshjeve dhe po provon me mikeshat disa veshje që ia ka zgjedhur ish-bashkëshorti. Gjatë bisedës, duke qeshur, ajo i tregon shoqeve se Kanye i ka thënë se është gati të heqë dorë nga karriera e tij për t’u marrë me veshjet e Kim.
“Kanye do të heqë dorë nga karriera për t’ia dedikuar jetën stilimit të veshjeve të mia”, thotë Kim. Të gjitha vajzat qeshin, ndërsa momenti tashmë është bërë viral dhe jo pa arsye.
Kanye ka treguar shpesh se e ka veshur me shumë dëshirë Kim Kardashian dhe aftësitë e tij të ngjashme tashmë po i zbaton edhe te partnerja e re, e cila në shumë aspekte është kopje e yllit televiziv./revistawho.com