‘Të gjitha rrugët të çojnë në Tiranë’ rikthehet njëjtë si vitin e kaluar në amfiteatrin e Tiranës për t’i dhuruar një atmosferë ndryshe kryeqytetit nën tingujt e muzikës nga artistët më të njohur të skenës shqiptare.
Koncerti do të mbahet mbrëmjen e së shtunës, më datë 11 korrik dhe siç kanë zbuluar dhe dy organizatorët e mbrëmjes, Eraldo Rexho dhe Rovena Dilo, emrat që do të performojnë në skenë janë Gena, Fatmira Breçani, Valbona Mema, Irini Qirjako, Kozma Dushi, Vaskë Curri dhe Liri Rrasha.
“? Edicioni i dytë i #TëGjithaRrugëtTëÇojnëNëTiranë – festës që u krijua për të gëzuar njerëzit dhe që s’mund të mungonte në këtë vit, ku më shumë se çdo herë tjetër kemi nevojë të gëzojmë | Ju presim më 11 korrik në Amfietatrin e Tiranës për festën më të bukur të verës | @bashkiatirane @erionveliaj @julia.dhame | @coffeeclublavazza @everest.construction.group @delirium_shopalbania @arkufoundation @revistawho @vizionplustv”, ka shkruar Rexho në llogarin e tij në ‘Instagram’.
https://www.instagram.com/p/CCT5p2uhdub/?igshid=1j6otq8abztat
Artistja e njohur, Rovena Dilo ka shtuar se festa nuk mund të mungonte këtë vit që njerëzit kanë nevojë më shumë se asnjëherë të gëzojnë.
https://www.instagram.com/p/CCT6UGop7WJ/?igshid=51pvu734pc8y
Me siguri edhe kësaj here koncerti ‘Të gjitha rrugët të çojnë në Tiranë’ do të ngrejë peshë zemrat e dëgjuesve dhe gjithë dashamirësve të artit dhe muzikës që do të munden të shijojnë për disa orë rresht zërat e artistëve më të njohur të skenës shqiptare në amfiteatrin e Tiranës.
