Luana Vjollca solli në ekranin e ‘Top Channel’ një tjetër sezon të suksesshëm të programit ‘Shiko Kush Luan’. Teksa i vjen fundi, ajo çka ka tërhequr vëmendje përveç argëtimit dhe të rejave që kanë zbuluar personazhet e ftuar, ka qenë edhe transformimi i herëpashershëm i moderatores.
Jemi mësuar ta shohim si bjonden bukuroshe të ekranit, por gjatë këtyre javëve Luana ka bërë të gjitha transformimet e mundshme të flokëve duke na treguar se çdo gjë duket bukur tek ajo. Kur është shfaqur me look-un e saj natyral, moderatorja herë i ka kapur flokët, herë i ka bërë me onde dhe në të tjera raste i ka mbajtur të drejta dhe të lëshuara.
Megjithatë rastet që tërhoqën vëmendje ishin disa nga puntatat e programit ku Luana u shfaq me flokë të zinj dhe më tej me flokë të kuq. Siç pranoi edhe vetë, ai ‘look’ ishte i përkohshëm dhe ishte mënyra që kishte zgjedhur për t’u përshtatur me festat.
Edhe puntatën e sotme, moderatorja ka ardhur ndryshe. Për herë të parë ajo u shfaq me flokë të shkurtër në gjatësinë e supeve dhe në ngjyrë platin.
Bukuroshja e ekranit i surprizoi sërish të gjithë. Ju si mendoni se duket më bukur?/revistawho.com
