Versioni i ri i Instagramit, që ngjan si Tiktok nuk është pritur dhe aq mirë nga përdoruesit e këtij rrjeti social. Shumë janë ankuar se aplikacioni tani ka më shumë reels dhe më pak angazhim në postime. Kylie Jenner publikoi sot një postim të një përdoruesi tjetër duke dëshiruar ditët e mira të vjetra të Instagramit si një aplikacion për ndarjen e fotove.
“Bëni Instagramin sërish Instagram. (Mos u përpiq të jesh tiktok, thjesht dua të shoh foto të lezetshme të miqve të mi). Me sinqeritet, të gjithë”, thuhet në postim ndërsa Kylie shkruan: “Të luteeem”. Të njëjtin postim e ka shpërndarë edhe motra e saj Kim Kardashian.
Dhe kur një kërkesë e tillë vjen nga personi i dytë më i ndjekur në Instagram, nuk është çudi që aplikacioni të rikthehet siç ishte. Nëse ndodh, duhet të falenderojmë motrat Kardashian!
