Pjesëmarrja e Eneda Tarifës në Eurovizion u shoqërua me shumë komente. Por ajo që do të mbetet mend gjatë është shoqëruesja e saj, Dhurata, e cila u bë e famshme nga një intervistë e Enedës. Emri i saj u përmend shumë në rrjetet sociale dhe u bë batuta më e përdorur nga të gjithë, pasi u përmend nga Eneda gjatë intervistës. Këngëtarja nuk po gjente fjalën e duhur në anglisht për shprehjen “Për t’u përmirësuar” dhe kërkoi ndihmën e Dhuratës. Edhe pse Eneda kishte premtuar se do të shuante kurreshtjen e publikut duke e prezantuar Dhuratën, nuk e bëri. Megjithatë Magazina.al ka publikuar një foto të saj dhe zbulon emrin e saj të plotë.
