“Alpha Show”, koncerti që Noizy mbajti më 14 gusht ishte një supersukses për të. Një koncert që mblodhi më shumë se 18 mijë persona në shesh. Por se vëmendjen më të madhe për Noizy-n e kanë marrë dy fansa me aftësi të kufizuara. Ai ka ndarë një video ku shihen dy fansat në shesh.
Të rinjtë, të cilët ishin në karrige me rrota, kishin shkuar për të ndjekur koncertin në shesh. Përmes videos së postuar në “Instagram”, Noizy ka zbuluar se vitin e ardhshëm, koncerti “Alpha Show 2” do të ketë një vend të posaçëm për personat me aftësi të kufizuar.
“Çka bëmë ne krejt u pa ❤️🫂 vitin tjetër në @noizy_alphashow do bëjmë një vend special apostafat për njerëzit me aftësi të kufizuara.”, shkruan Noizy krahas postimit.
Kujtojmë se artisti e ka shprehur se do të ketë një “Alpha show 2”.
