Kiara Tito ishte një ndër të ftuarat speciale të kësaj të shtune në emisionin “Shiko kush luan”. Gjatë sfidës “Këmbët në…”, Kiara iu përgjigj disa pyetjeve të sikletshme për të mos u përballur me ngjalat në ujë. Në fillim Tito u pyet se a është e vërtetë se historia e dashurisë mes një këngëtari dhe një prezantueseje mund të prishet nga nëna e tij, duke ju referuar thashethemeve të shumta për një lidhje të mundshme të saj me Butrint Imerin. “Jo nuk është e vërtetë. Varet nga situata çfarë e prish, por mami jo”, është përgjigjur Kiara duke na treguar në një farë mënyre se mes saj dhe Butrintit mund të ketë pasur një marrëdhënie. Më pas moderatorja është pyetur nëse ka kryer ndonjë ndërhyrje estetike, përveçse në buzë, sepse para pak javësh e ftuar në “Pop Culture” ajo u shpreh se do bëj çfarë të dojë dhe nuk do të pyes askënd. Mbrëmjen e sotme në “Shiko kush luan”, Kiara tha se nuk e ka pranuar se ka ndërhyrë në buzë dhe se nuk ka ndryshuar asgjë në fytyrën e saj. “Nuk e kam pranuar dhe nuk pranoj asgjë, sepse për momentin nuk është se kam bërë ndonjë ndërhyrje, kur ta bëj do ta pranoj me shumë qejf”, është përgjigjur Kiara.
https://www.instagram.com/p/B5OQztvFLmu/
Në këtë mënyrë moderatorja i ka hedhur poshtë thashethemet dhe ka shuar çdo dyshim të atyre që kanë menduar se ka ndërhyrë në fytyrë. /revistawho.com
