Këngëtari dhe aktori i njohur, Olsi Bylyku, ka ngjallur kureshtje me projektin e tij më të ri muzikor. Një pjesë e tekstit të këngës që ai ndau në rrjetet sociale ka bërë që fansat të spekulojnë nëse ajo është një dedikim për ish-partneren e tij, Egli Tako, e cila aktualisht ndodhet në shtëpinë e Big Brother Vip Albania.
Teksti duket të jetë emocional dhe ngre pikëpyetje mbi personin të cilit mund t’i referohet: “Baby më mirë po rri silent, le të rikthehen ngjarjet se kanë mbaruar rrahjet. Kur po thu që kanë mbaru pse po më kujton hala.”
Pikërisht ky varg ka bërë që ndjekësit të lidhin këngën me historinë e tij të mëparshme me Eglin, duke shtuar edhe më shumë kuriozitetin rreth mesazhit që fshihet pas saj.
Olsi ende nuk ka konfirmuar as mohuar nëse kënga ka lidhje me ish-të dashurën e tij, por fansat vazhdojnë të analizojnë çdo detaj, duke e kthyer këtë projekt muzikor në një nga më të komentuarit e momentit.
