Cardi B ia ka dalë sërish të tërheqë vëmendjen e mediave, por këtë herë me pamjen e saj. Ajo ishte e ftuar në festën e ditëlindjes së TakeOff, një nga reperët e grupit ‘Migos’. Ajo u shfaq së bashku me partnerin e saj, Offset, megjithatë të gjithë sytë ishin tek reperja. Cardi kishte veshur një fustan të shkurtër rrjetë, që nxirrte në pah të brendshmet e saj.
TakeOff mbushi 25 vjeç dhe festa së bashku me tortën i përshtatej temës ‘TakeOff’s Drank Factory’, inspiruar nga filmi i njohur “Charlie and the chocolate factory”. Festa kishte të ftuar shumë personazhe të njohur, si dhe shumë gjëra për të pirë dhe ngrënë. “I hëngra të gjitha”, ka shkruar Cardi në një foto në ‘Instastory-n’ e saj, duke treguar kështu se po e shijonte mbrëmjen në maksimum. TakeOff gjithashtu ndau disa foto në rrjete sociale, duke falenderuar ‘familjen’ e tij për mbështetjen. /revistawho.com
