Është koha më e bukur e vitit për t’u bërë bashkë me gjithë familjen dhe për të dhuruar më shumë dashuri në këto ditë festash. Kartolinat e urimit janë të shumta këtë vit dhe sigurisht të gjithë mundohen që e tyrja të jetë më specialja. Njëra ndër to është edhe ajo e familjes Deda. Aktori i humorit, Julian Deda, ka publikuar në ‘Instagram’ një fotografi në të cilën shihet përkrah bashkëshortes dhe fëmijëve, vëllait me familjen dhe sigurisht Zef Deda me bashkëshorten.
“Gëzuar Krishtlindjen…! Ditëlindja e Jezu Krishtit nuk është thjeshtë një festë, ajo është një pikënisje e jetës, e dëshirës për të arritur qëllime të rëndësishme njerëzore. Gjatë kësaj kohe njerëzimi ka arritur të ndërtojë shumë gjëra, por asgjë nuk ka vlerën e qelizës kryesore, familjes, e cila qëndron fort për shekuj me radhë dhe besoj shumë dhe lutem me zë të lartë të qëndrojë e paprekur në jetë të jetëve. Gëzuar të dashur shqiptarë ku do që ndodheni. Zoti i bekoftë familjet tuaja…!”, – ka shkruar Juli bashkangjitur fotografisë. Të gjithë biem dakord se familja është qeliza kryesore dhe këtij urimit të aktorit nuk kem çfarë t’i shtojmë më tepër. /revistawho.com
