Nora Istrefi është bërë pjesë e skenave muzikore shqiptare në një moshë kur energjia, kreativiteti dhe bukuria janë në kulmin e tyre. Po bëhen pothuajse 14 vite qëkur ajo është shfaqur për herë të parë si këngëtare dhe duket se ato karakteristika të përmendura më sipër nuk janë zbehur me kohën për të. Mund të themi se është ndër këngëtaret më aktive, gjithmonë me këngë të reja, që përherë kanë marrë pëlqimin e publikut. Përveçse shumë e talentuar në fushën e saj, Nora është shquar në çdo kohë për fizikun që shumë vajza e kanë zili dhe për stilin e veçantë. Ka qenë ndër të parat artiste që ka guxuar të sjellë një frymë të re ne tregun shqiptar, jo vetëm në muzikë, por edhe me paraqitjen skenike.
Shpesh veshjet e saj janë cilësuar si mjaft ekstravagante, sepse Nora në videoklipet e saj është shfaqur edhe me bikini në një kohë kur kjo ishte tabu.
Megjithatë këngëtarja ka treguar se diçka ekstravagante nuk duket vulgare nëse di ta shfaqësh në formën e duhur. Pavarësisht se është bërë nënë, Nora nuk dalë nga linja e saj, sepse ajo ka treguar se një artiste dhe një grua nuk duhet të kufizohet nga paragjykime që ndoshta pak nga pak duhet t’ja lëmë së shkuarës. /revistawo.com
