Seriali i ri në Netflix është shumë i vështirë për tu parë, të paktën kështu janë shprehur të huajt se ne shqiptarët e kemi parë që në vitin 2013. Seriali në gjuhën spanjolle mban titullin “Alba” dhe është bazuar në historinë e telenovelës turke “Fatmagyl”. Në Shqipëri “Fatmagyl” me aktore kryesore Beren Saat u transmetua në vitin 2013 në Albanian Screen dhe asokohe ishte një nga serialet më të ndjekur. E njëjta histori është edhe në serialin “Alba”.
“Alba zgjohet në një plazh, me dëshmi të një përdhunimi, por pa kujtim të një nate më parë. Pastaj ajo mëson se përdhunuesit e saj janë miqtë e të dashurit të saj.” Konkretisht në Alba, protagonistja drogohet, përdhunohet dhe në mënyrë të dëshpëruar përpiqet të bindë autoritetet se gjithçka ndodhi kundër dëshirës së saj.
Një përdorues i Twitter-it e ka përshkruar shfaqjen “si të vështirë për t’u kapërdirë” dhe shumë të tjerë e kanë mbështetur mendimin e tij.
