Të imitosh Drejtoreshën e Tatimeve sjell edhe probleme

Delinda Zhupa, aktorja e programit të famshëm humorsitik “Portokalli”, ndër personazhet e shumtë që interpreton, ai që është spikatur më shumë është i Drejtoreshës së Tatimeve. Ndërkohë që i ka dhënë një famë të jashtëzakonshme, duket se interpretimi i këtij personazhi, mund të sjellë edhe probleme. E ftuar në programin “Wake Up”, drejtuar nga Eno Popi dhe Isli Islami, Delinda ka treguar një histori aspak të këndshme, ndërkohë që ka qënë me pushime në jug. Aktorja e Portokallisë ka rrëfyer se ndërkohë që ka shkuar në një restorant nga Ksamil së bashku me disa familjarët e saj, të gjithë kamarjerët janë zhdukur. Delinda shpjegon se edhe pse kishte kërkuar nga i vetmi kamarjerë që kishte mbetur, një shërbim të mirë pasi kishte disa miq nga jashtë, kjo gjë kishte munguar pasi kamarjerët e tjerë ishin zhdukur duke menduar se aktorja ishte Drejtoresha e vërtetë e Tatimeve. Sipas aktores, kamarjerët e tjerë ishin fshehur pasi nuk ishin të siguruar dhe mund të merrnin ndonjë gjobë./topalbaniaradio