Në ‘Pushime on Top’, këtë herë nuk ka qenë një personazh publik në qendër të kameras që ka pushtuar jugun, por një guidator dhe kapiten i quajtur Feliks Rusto. Udhëtimi këtë herë çoi kamerat dhe sytë e të gjithëve në gjiret më të bukura të jugut për të eksploruar, por gjatë udhëtimi u zbulua diçka shumë interesante.
Kapiteni i anijes tregoi në një intervistë për moderatorin Flori Gjini që ka qenë dëshmitar i shumë videoklipeve realizuar në brigjet e jugut. Por më i veçanti ishte klipi i këngës ‘Lejla’ që bëri bashkë për të parën herë Elvana Gjatën, Capital T dhe 2po2. “Në xhirimin e atij klipi kam marrë pjesë edhe unë”,-ka treguar Feliks. “2po2 kishte frikë ta drejtonte skafin me shpejtësi dhe unë u bëra dublant. Zura vendin e tij për disa minuta, kur u xhirua lundrimi”,-e ka mbyllur fjalën kapiteni.
Eksperienca të tilla padyshim vijnë vetëm njëherë në jetë./revistawho.com
