Vendimi i jurisë së festivalit të ‘RTSH-së’ mbrëmjen e kaluar solli mjaft reagime nga të gjithë ndjekësit. Edhe moderatori i njohur, Turjan Hysko zgjodhi të reagojë me anë të disa postimeve në ‘Instastory’, ku tregoi sipas tij se kush duhet të ishte renditur në 3 vendet e para dhe fituesen. “@era_rusi_official nuk ishte as në treshe, @elvanagjataaaa nuk fiton, të keqen e jurisë. Për një gjë të jeni të sigurt. Europa do kërcente me @elvanagjataaaa. Iku mundësia prej “jurisë””, ka shkruar Turi në rrjetet e tij sociale. Përplasjet midis ndjekësve të artistëve garues kanë qenë të shumta, edhe pas publikimit të emrave të finalistëve. Pavarësisht këtij fakti, skena e Pallatit të Kongreseve dhuroi mjaft emocione dhe performanca surprizë, të cilat ngritën peshë zemrat e të pranishmëve në sallë.
