Pas ditëlindjes së DJ PM, mungesa e një urimi publik nga partnerja e tij, Sara Berisha, ndezi menjëherë spekulime në rrjet. Fansat nisën të pyesnin: a ka ndodhur një ndarje? Asnjë prej tyre nuk postoi asnjë foto apo mesazh që lidhej me festën, çka shtoi dyshimet për një krizë në çift.
Por gjithçka mori tjetër rrjedhë pas një detaji që ndoshta u shpëtoi ndjekësve të zakonshëm.
Në një foto të publikuar së fundmi nga Sara, ka qenë Einxhel Shkira ajo që ka komentuar duke shkruar:
“Kurioze jam nëse është zgjuar PM kaq herët për plazh?!”
Një koment që flet shumë më tepër sesa duket në pamje të parë — duke nënkuptuar se çifti ndodhet bashkë në pushime, por ka zgjedhur të mos e ndajë këtë me publikun.
Mesa duket, Sara dhe DJ PM kanë vendosur t’i qëndrojnë larg zhurmës së rrjeteve sociale, duke ruajtur privatësinë e tyre dhe duke shijuar kohën në heshtje.
Të paktën për tani, ndarja nuk është në horizont — por as ndonjë foto e përbashkët. Thjesht qetësi… për momentin!
