Të reja nga Adelina Ismaili, këngëtarja: Rikthehem së shpejti!

Adelina Ismaili prej një kohe të gjatë është shkëputur nga muzika për t’iu përkushtuar me kohë të plotë, familjes së saj. Ajo jeton në Zvicër me bashkëshortin Vali dhe vogëlushin e tyre. Por ndonëse e bërë nënë rishtaz, duket se i biri i ka dhënë divës së muzikës të gjithë frymëzimin e nevojshmë për një rikthim, që padyshim pritet të jetë I bujshëm. Siç njofton vetë Adelina në rrjetet sociale, ajo do të vijë së shpejti me një këngë të re. “Përshëndetje miq. Dua ta ndaj me ju një kujtim nga viti kur regjistrova këngën “Uragan Çohen Krenaret” (UÇK) në Prishtinë, sepse në Tirane nuk m’u lejua (nga disa kosovarë) të regjistroj këngë për Adem Jasharin, prill 1998. Çdokush që ka këtë inçizim, ju lutem ma dergoni, ka vlerë të madhe sentimentale për mua. Së shpejti përsëri me ju, me këngën e re dhe risi për të gjithë ju që nuk më braktisët kurrë. Ju dua miq, do t’iu dua gjithmonë. E juaja, Adelina”, ka shkruar këngëtarja. Mezi presim!/ revistawho.com