Pasionin e saj të madh për modën, tashmë e ka kthyer në një profesion të mirfilltë në të cilin sa vjen dhe rritet. Blogerja bukuroshe Armina Mevlani, shumë e famshme në Shqipëri, po e zgjeron çdo ditë e më shumë hapësirën e saj të kontaktit me ndjekësit e shumtë për të qenë sa më pranë tyre. Ajo do të na prezantojë idetë e veçanta për veshje, këpucë, aksesorë e kombinime edhe në “Youtube”. Siç ka njoftuar vetë Armi në llogarinë e saj të Facebook, prej ditës së nesërme ajo do të jetë vetëm një klikim larg. “Jam lumtur të ndaj me ju lajmin më të fundit! Duke nisur nga nesër, përveç këtij posti të ri që do të jetë ‘online’ nesër, do keni mundësinë të ndiqni kanalin tim në “Youtube” që e lançoj po nesër”, ka shkruar Mevlani.
Të reja nga Armina Mevlani, blogerja e famshme: Jam e lumtur t’ju jap lajmin më të fundit!
