Moderatorja e njohur Alketa Vejsiu ka ndarë një moment të rrallë nga jeta e saj familjare duke uruar vajzën e saj, Nikol, për 18-vjetorin e lindjes.
E njohur për ruajtjen e privatësisë së familjes, Alketa këtë herë ka publikuar foto të veçanta nga fëmijëria e Nikol dhe momentet e bukura që kanë kaluar së bashku. Në postimin e saj emocional, ajo ndan mesazhe të ndjera për të bijën.
“Te ruajta 18 vjet nga sytë e botës! Sot që ti bën 18 vjeç, unë zotëroj dhuratën dhe shpërblimin më të madh të jetës. Je më shumë sesa kisha ëndërruar dhe imagjinuar,” shkroi Alketa, duke theksuar rëndësinë e dashurisë, dijes dhe lirisë në jetën e saj.
Ajo e përshkruan Nikol si vajzën, motrën dhe shoqen më të mirë të saj, duke e këshilluar të ndjekë ëndrrat dhe të mos ndalojë kurrë së mësuari. “Mos harro, dija është fuqi! Jeto e lirë dhe bëje të madhe botën tënde!”
